Komite pou Dèy
Komite Dèy Boston Medical Center a bay pasyan yo, fanmi yo ak anplwaye yo swen ak sipò ki gen konpasyon, ki konpetan nan domèn kiltirèl anvan ak apre lanmò yon pasyan. Komite miltidisiplinè a devlope ak dirije pwogram epi li gen resous ki disponib pou ede moun ki fèk pèdi yon moun yo renmen.
Jesyon Swen
Nou kowòdone swen, epi planifye egzeyat pou pasyan nan lopital la, nan klinik, ak kominote a. Enfimyè nou yo, travayè sosyal, ak lòt pwofesyonèl swen sante nou yo travay an ekip pou bay pasyan yo ak fanmi yo yon seri sèvis. Nou evalye kalifikasyon asirans epi ede pasyan yo nan idantifye solisyon peman ak opsyon asistans finansye. Objektif nou se diminye entènman lopital ak vizit nan sal ijans pou pasyan vilnerab yo lè yo gide yo nan swiv plan egzeyat endividyalize a.
Healing Pups
Healing Pups te lanse an 2012 pa Biwo Defans Pasyan yo, ki fè efò pou bay sistèm pou kowòdone, envestige, ak rezoud plent pasyan yo ak fanmi yo. Pwogram inik sa a te etabli nan espwa pou pote konfò ak souri bay pasyan yo ak fanmi yo ki ap fè fas ak maladi ak chòk.
Swen palyatif
Sèvis Swen Palyatif nan Boston Medical Center a se yon sèvis entèdisiplinè ki pral ede ou menm ak fanmi ou viv otank posib lè w ap fè fas a yon maladi grav oswa ki menase lavi. Ekip nou an ap travay ansanm avèk ou ak founisè swen prensipal ou, espesyalis lopital, enfimyè, chapèl yo ak travayè sosyal nan nenpòt etap maladi ou a; pandan w ap resevwa tretman gerizon oswa ki pwolonje lavi oswa si w malad grav.
Defans Pasyan
Nan Boston Medical Center, nou travay di pou nou satisfè atant pasyan nou yo. Sepandan, pafwa nou gendwa pa reyisi fè sa. Lè sa rive, nou vle aprann de eksperyans inik pasyan ak vizitè nou yo, ke se swa agreyab oswa dezagreyab. Nou akeyi kòmantè ou sou eksperyans ou nan Boston Medical Center epi nou isit la pou ede rezoud nenpòt pwoblèm ki rive nan yon fason san pati pri ak ki pa menasan.
Swen Espirityèl
Depatman Swen Espirityèl la travay an kolaborasyon pou ede pasyan yo, manm fanmi yo ak anplwaye yo pou yo satisfè bezwen emosyonèl, espirityèl ak relijye. Nou sèvi kòm lyezon, konekte manm ekip swen sante a, pasyan yo ak fanmi yo, epi - si yo mande - klèje oswa lòt chèf relijye nan kominote a.
Travay sosyal
Nan Boston Medical Center, nou konprann enpak maladi ak defi ki gen rapò sak lavi pasyan yo ak moun yo renmen yo. Travayè sosyal klinik yo disponib nan anpil zòn nan lopital la pou ede pasyan yo ak fanmi yo fè fas ak gwo seri pwoblèm sikolojik ak estrès ki gen rapò ak jere maladi ak kenbe sante.