CATCH - Sant Sante Pou Timoun ak Adolesan Trans

Chwazi lang ou:

Pou plis enfòmasyon oswa pou pran yon randevou, tanpri rele 617.414.2663 oswa imel catchclinic@bmc.org pou pale ak yon manm ekip klinik nou an. Si ou se yon nouvo pasyan nan BMC, tanpri enskri anvan lè w rele Enskripsyon nan 617.414.6060.

Antanke pati entegran nan Depatman Pedyatri nan Boston Medical Center, CATCH pran angajman pou bay sipò ak swen pou timoun, adolesan, ak jèn adilt kèlkeswa sèks yo. Kit oumenm oswa pitit ou idantifye kòm transeksyèl, ki pa binè, oswa ap eksplore sèks, ekip klinik devwe nou an la pou ede ou nan chak etap.

CATCH te lanse ofisyèlman nan mwa jen 2017, epi kounye a sipòte plis pase 400 pasyan ak fanmi yo nan tout Nòdès la. Nou gen yon popilasyon pasyan ekstrèmman divèsifye sou plan sosyo-ekonomik, rasyal, ak kiltirèl, epi sou plan idantite ak ekspresyon seksyèl. CATCH sanble pran anplè, epi n ap ajoute nouvo plas pou jèn yo ak fanmi yo pa bezwen tann plis pase 8-10 semèn pou jwenn yon randevou avèk nou. Nou gen chans pou nou gen yon ekip miltidisiplinè ekstraòdinè ki gen founisè medikal ak sante konpòtmantal, enfimyè, famasi, ak anplwaye administratif, epi entèvenan pou pasyan yo. Nou vle asire nou jèn yo ak fanmi yo jwenn èd yo bezwen, lè yo bezwen li.

"Antanke paran de yon timoun transeksyèl, mwen te jwenn enfòmasyon enpòtan sou sit sa a. Apre operasyon an, m ap pran swen li lakay mwen. Antanke enfimyè retrete, swen nan klinik pa pral akable nou (nou espere sa). Sijesyon yo ak respè pou pasyan ou yo chofe kè mwen. Plis mwen konnen, plis mwen ka byen sipòte pitit mwen an. Mèsi pou tout sa ou fè!"

~ Anonim

Pandan premye vizit la, pasyan yo ak fanmi yo ap rankontre avèk yon founisè medikal ak travayè sosyal ansanm. Yo revize antesedan medikal, sante mantal, ak seksyèl yo, apre sa yon diskisyon sou objektif jèn ak fanmi yo ak opsyon swen pou afime sèks ki disponib nan CATCH. Men sa yo enkli:

  • Edikasyon paran ak sipò fanmi
  • Sipò terapetik endividyèl, ki gen ladan koneksyon ak resous kominotè
  • Aksè ak blokè òmòn sou plas (piki ak enplantasyon)
  • Terapi òmòn ki afime sèks (estwojèn ak testostewòn)
  • Oryantasyon ak kowòdinasyon swen ak lòt Sant pou sèvis Medsin ak Chiriji Transeksyèl nan BMC

*lè nou konsidere sitiyasyo pasyan an an tèm de medikaman ak pwosesis, estati pibète, ak laj.

Yo elabore plan tretman pèsonalize an fonksyon de objektif endividyèl pasyan an ak fanmi li. Nan CATCH, nou konnen ke chak pasyan ak fanmi diferan. Travay nou se pa di pasyan ki sa yo dwe fè. Travay nou se koute. Jèn yo ak fanmi yo di nou sa yo bezwen. Nou ap ede yo atenn li.

 

CATCH - Resous BMC a pou jèn ki prezante diferans nan sèks

Jwenn plis enfòmasyon sou CATCH sou HealthCity