Swen pou avòtman

Chwazi lang ou:

Tout espèk swen sante repwodiktif la, ki gen ladan avòtman ak kontrasepsyon / kontwòl nesans, legal ak disponib nan Massachusetts. BMC la pou tout bezwen swen sante ou yo epi pasyan yo kapab jwenn aksè a kontrasepsyon/kontwòl nesans ak avòtman san danje epi legalman isit la nan BMC ak nan lòt klinik nan eta a.

Aprann plis sou angajman nou pou swen sante repwodiktif isit la. 

Si w gen nenpòt kesyon, tanpri mande founisè swen sante w lè w rele 617.414.2000. Ou kapab tou voye kesyon medikal ki pa ijan bay doktè ou pa MyChart.

Founisè nou yo resevwa fòmasyon espesyal pou bay moun kap mete fen nan gwosès yo pandan dezyèm trimès la swen konfidansyèl, san danje, epi ak respè. Desizyon an pa toujou fasil, epi anplwaye nou yo gen sousi pou respekte sikonstans chak moun lè yo fè chwa sa a.

Apwòch BEACON moun kap bay swen yo genyen pou avòtman santre sou pasyan yo. Sèvis yo bay nan klinik OBGYN la, nan yon espas ki an sekirite ak yon ekip angaje, konsantre sou eksperyans pasyan an ak sekirite. Moun nou yo kap bay swen espesyalize nan fanm ki gen istwa medikal ak sosyal konplèks, ki gen ladan plizyè sezaryèn, istwa kadyak, abi plizyè sibstans, anemi falsifòm , kansè, ak anpil lòt pwoblèm medikal.

Adrès Klinik la

850 Harrison Avenue
6yèm Etaj
Boston, MA 02118

Sèvis avòtman nou yo enkli

  • Avòtman medikal jiska 10 semèn jestasyon
  • Avòtman chirijikal jiska dezyèm trimès la
  • Referans nan BMC pou avòtman endiksyon travay
  • Konsèy sou opsyon gwosès 
  • Travay sosyal ak referans konsèy

Kesyon yo souvan poze sou avòtman

Ki kalite anestezi ou ofri pou pwosedi a?

Nou ofri yon seri de anestezi, ki gen ladan anestezi lokal, sedasyon modere (tankou kabicha), oswa sedasyon pi fon, ki disponib nan inite pwosedi endividyèl nou an.

Kisa mwen bezwen fè jou pwosedi mwen an si mwen vle anestezi?

Tanpri sonje pou w pa manje oswa bwè anyen apre minwi jou avòtman chirijikal ou a. Ou bezwen tou pote yon eskòt avèk ou ki gen plis pase 18 ane epi ki pral rete tann ou jiskaske ou fini. Nou pa pral pataje anyen sou vizit ou a ak eskòt ou a.

Mwen gen mwens ke 18 lane, èske mwen ka fè yon avòtman?

Ou ka fè yon avòtman si ou gen mwens pase 18 lane. Tanpri rele nou pou w pale avèk kowòdonatè pwogram nou an ki ka ede w jwenn randevou w la. 

Èske mwen ka gen konsiltasyon mwen ak avòtman mwen nan menm jou a?

Wi, men sa depann de nan ki etap gwosès la ye. Fanm ki nan dezyèm trimès la, plis pase 14 semèn, souvan bezwen de vizit separe. Tanpri rele nou pou nou ka pale avèk ou sou pwosesis la.

Mwen gen yon istwa medikal konplike, èske mwen ka toujou fè yon avòtman nan Boston Medical Center?

Wi. Nou espesyalize nan swen pou fanm ki gen istwa medikal konplèks, ni medikalman ak sosyalman. Nou la pou ede.